Amani

أماني، في كلام كثير جواتي من زمان وأنا نفسي أحكيلك ياه، وكل مرة بقول رح أختصر وبالأخير بلاقي حالي كتبت صفحات ولسه حاسس إني ما قلت حتى نص اللي بدي أقوله يمكن لأن اللي بحسه تجاهك مو شعور بسيط أقدر أحطه بكلمتين وخلاص انتي صرتي بالنسبة إلي شي أكبر من مجرد شخص بحكي معه كل يوم وأقرب من مجرد شخص أحبه انتي صرتي جزء من قلبي ومن يومي ومن تفكيري وصار وجودك بحياتي شي ما بقدر أعتبره عادي أبدا بتعرفي أماني؟ أنا فعلا أحبك بطريقة تخوفني أحيانا من كثر ما هي كبيرة أحبك بتفاصيلك يعني وبطريقة كلامك بضحكتك بعنادك بسكوتك بحماسك حتى بالأشياء اللي انتي يمكن ما بتحبيها بحالك أحب الطريقة اللي بتدخلي فيها يومي بدون ما تحاولي والطريقة اللي مجرد رسالة منك قادرة تغير مزاجي كامل أحب إنك صرتي الشخص اللي لما أشوف اسمه على الشاشة أحس بشي بقلبي قبل حتى ما أفتح الرسالة وأكثر شي غريب في الموضوع إني ما بحتاج منك شي كبير عشان أكون مبسوط حرفيا رسالة منك ممكن تكفيني كلمة منك ممكن تقلب يوم كامل كان تعبان إلى يوم حلو أحيانا بس أعرف إنك موجودة وبخير بحس براحة ما بعرف من وين بتجييي وكأنه عقلي بقولي "تمام أماني بخير" وخلاص في شي داخلي بيهدا أنا ما بعرف متى بالضبط صار هالشي بس بعرف إنه صار يعني اقولك صرت لما يصير معي أي شي حلو أو سيئ أول فكرة عندي تكون "بدي أحكي لأماني" كأنه عقلي تلقائيا اختارك انتي من بين كل الناس وإذا شفت شي حلو نفسي أشوف ردة فعلك وإذا ضحكت على شي نفسي أضحكك معي وإذا انزعجت نفسي أفضفضلك وإذا صار يومي عادي جدا برضو نفسي أحكيلك عنه لأنه لما أحكيه إلك ما عاد بحسه عادي وأنا أحب تفاصيلك بشكل يمكن انتي ما تتخيليه يعني اقولك مثلا أحب لما تحكيلي شو عملتي من أول ما صحيتي لاخر اليوم شو أكلتي شو شربتي وين رحتي مين شفتي شو ضايقك شو فرحك حتى الأشياء اللي بتقولي عنها "ما صار شي اليوم" أنا بحب أسمعها منك لأنه الموضوع مو شو صار الموضوع إنك انتي اللي عم تحكيلي يمكن ما تنتبهي بس أنا أحيانا أكون مستني منك تحكيلي عن يومك أكثر من انتظاري لأي شي ثاني بحب أسمعك وانتي تحكي بحب التفاصيل اللي بتنسيها الناس وبحب حتى القصص اللي ما إلها نهاية ولا معنى لأن ببساطة لما الكلام يجي منك أنا ما بهتم إذا الموضوع مهم أو تافه أنا بس بحب إنك عم تحكي معي وأماني أنا ما بحبك بس لما تكوني مبسوطة أنا بحبك وأهتم فيكي حتى بأيامك الثقيلة لما تكوني تعبانة لما تكوني معصبة لما ما يكون إلك خلق تحكي لما تحسي إن كل شي فوق راسك ما بدي منك تكوني قوية طول الوقت وما بدي منك تخبي عني تعبك عشان ما تقلقيني أنا بدي أعرفك مثل ما انتي فعلا مو بس النسخة اللي بتضحك وبتقول "أنا بخير" إذا زعلتي تعالي إذا بكيتي تعالي إذا الدنيا كلها ضاقت فيكي تعالي وإذا ما بدك تحكي تعالي واسكتي حتى أنا ما بدي منك كلام مرتب ولا شرح طويل أحيانا يكفيني أعرف إنك موجودة قدامي وإنك محتاجة حدا يكون معك وأنا مستعد أكون هالحدا قد ما أقدر وبدياكي تعرفي شغلة يمكن ما قلتها إلك بهالشكل من قبل: أنا أتأثر فيكي أكثر مما بتتخيلي مزاجك بيفرق معي ضحكتك بتفرق معي زعلك بيفرق معي حتى لما تكوني متضايقة وتحاولي تخبي أنا بضل أفكر فيكي لأنه لما الإنسان يصير غالي لهالدرجة ما عاد يقدر يشوفه كأنه شخص عادي وأنا فعلا أغار على قلبك من كل شي ممكن يوجعه أغار من أي شخص يخليكي تبكي ومن أي موقف يخليكي تحسي إنك مو كفاية ومن أي كلمة ممكن تكسر خاطرك مو لأني بدي أتحكم فيكي وركزي على اتحكم فيكي لأنو اكثر موضوع بنتخانق عليه هو اني بغار, أبدا بس لأن جزء مني صار يحس إن أي وجع يصيبك يمسني ويزعلني أنا كمان وأحيانا بتمنى لو أقدر اخذ عنك كل شي يزعلك لو أقدر أشيل عنك التعب وأحط مكانه راحة لو أقدر أخلي كل يوم تصحي فيه يكون خفيف على قلبك لو أقدر أخلي كل شخص يقابلك يعرف قيمتك وما يكون سبب في وجعك يمكن ما بقدر أعمل كل هالأشياء بس أقدر أكون موجود وأقدر أسمع وأقدر أذكرك كل مرة تنسي فيها قديش انتي شخص جميل وأماني أنا فخور فيكي بشكل كبيررررررر فخور بكل مرة كملتي فيها رغم إنك ما كان عندك طاقة فخور بكل مرة حاولتي تكوني أفضل فخور بكل الأشياء اللي واجهتيها وما استسلمتي يمكن انتي أحيانا تركزي على الأشياء اللي ما قدرتي تعمليها وأنا بدي أذكرك بالأشياء اللي قدرتي عليها بدياكي تشوفي نفسك مثل ما أنا شايفك لأنه لو شفتي نفسك بعيني يمكن تعرفي ليش أنا متعلق فيكي لهالدرجة وأنا أحب فيكي إنك غيرتي أشياء فيني بدون ما تطلبي مني أتغير وجودك خلاني أفكر بطريقة مختلفة خلاني أكون أهدى ببعض الأشياء وأحاول أكون إنسان أفضل علمتيني بطريقة أو بأخرى إن في أشخاص فعلا ممكن يدخلوا حياة الواحد ويتركوا أثر ما يروح بسهولة ومن وقت ما عرفتك وأنا أحس إن في شي مختلف بأيامي حتى الأيام العادية صار فيها شي أستناه صار عندي شخص نفسي أحكيله عن يومي شخص نفسي أشاركه أفكاري شخص لما يصير شي بدي أروح لعنده وصار عندي شعور حلو إني أعرف إن في مكان بحياتي اسمه "أماني" وبصراحة أنا أحب فكرة إنك تكوني اخر شخص أحكي معه قبل ما أنام أحب اللحظة اللي أكون فيها خلاص تعبان وما عاد فيني أعمل شي ومع هيك أكون مستعد أظل صاحي شوي زيادة بس عشان أحكي معك وأحب أكثر إني لما أصحى يكون في أول شي يخطر ببالي إني أشوف إذا في منك رسالة يمكن هذا الشي مو طبيعي بالنسبة إلي بس ما بدي يكون طبيعي ما بدي أتعود على وجودك لدرجة يصير عادي بدي أضل كل مرة أشوف اسمك أفرح بدي أضل أحس بنفس الحماس وأنا داخل أحكي معك حتى بعد وقت طويل بدي أضل أتذكر كيف بدأ كل شي بينا وأبتسم وأحيانا أتخيل لو قضينا يوم كامل سوا بدون أي شي مهم بس نحكي ونضحك ونلعب ونتفرج ونقعد نحكي عن أشياء ما إلها معنى أتخيل قديش ممكن يكون يوم بسيط جدا ومع هيك بالنسبة إلي يكون من أجمل الأيام لأن أنا ما بحتاج مكان مميز عشان أكون مبسوط معك وجودك هو اللي بيخلي المكان والوقت حلوين وأتخيل كمان إننا بعد سنين نرجع نحكي عن كل هالفترة ونضحك على كمية الكلام اللي كنا نحكيه وعلى كل مرة نمنا متأخر وعلى كل موضوع صغير أخذ منا ساعات وعلى كل موقف كنا نحكي عنه وكأنه أهم حدث بالعالم يمكن أجمل شي بالنسبة إلي مو بس اللحظة اللي عايشها معك بل فكرة إن هاللحظات تصير ذكريات إلنا أماني انتي فعلا من الأشخاص اللي ما بدي أخسرهم وأنا ما بقول هالشي بشكل عابر فكرة إني بيوم أصحى وما يكون فيكي بحياتي بتخوفني مو لأن حياتي بتوقف بدونك بس لأن وجودك صار جزء جميل جدًا منها وأنا ما بدي أخسر شي جميل لهالدرجة وأنا ما بدي منك مقابل لكل هالحب ما بدي منك تكوني بطريقة معينة ولا بدي منك تثبتيلي شي أنا بس بدياكي تعرفي إنك محبوبة بدياكي تعرفي إن في شخص شايفك مقدرك مهتم فيكي وبيفرح لما يشوفك مبسوطة وإذا بيوم حسيتي إنك ما عندك قيمة تعالي لعندي إذا حسيتي انو ما حدا فاهمك احكيلي إذا حسيتي إنك مو محبوبة خليني أذكرك بكل مرة خليتي فيها شخص يبتسم بس بوجودك وإذا حسيتي إنك وحيدة تذكري إن في شخص حرفيا ممكن يترك كل شي بس عشان يسمعك ويكلمك وأنا ما بوعدك إني دايما رح أعرف شو أقول أو إني دايما رح أقدر أصلح كل شي بس بوعدك بشي أبسط: رح أحاول أكون موجود رح أسمعك رح أهتم رح أفرح لفرحك وأحزن لما أشوفك متضايقة ورح أضل أذكرك إنك مو مضطرة تواجهي كل شي لحالك وأماني يمكن أكثر جملة بديك تحفظيها مني هي: وجودك يعنيلي كثير أكثر بكثير مما قدرت أوصفه بهالرسالة أنتي مو مجرد شخص بحكي معه مو مجرد شخص أحبه مو مجرد شخص قريب مني أنتي صرتي شخص لما أفكر فيه أبتسم شخص لما أحكي معه أنسى الوقت شخص لما يزعل يهمني شخص لما يفرح أفرح معه شخص لما يغيب أحس بغيابه وشخص لما يكون موجود أحس إن الدنيا أخف وأنا أحبك يا أماني أحبك بطريقة هادية أحيانا ومجنونة أحيانا وبطريقة ما بعرف أشرحها حتى لنفسي أحبك بالرسائل الطويلة وبالرسائل القصيرة وبالسكوت وبالضحك وبكل التفاصيل اللي صارت بينا وإذا سألتي بيزك شو مكانك عندي يمكن ما أقدر أعطيكي اسم واحد يوصفه بس أقدر أقولك إنك من الناس اللي صار إلهم مكان بقلبي ما أخذته أي وحدة بسهولة ومش مستعد أتعامل معه كأنه شي بسيط فـا أماني ديري بالك على حالك عشاني مو لأنك مطالبة بشي بس لأنك غالية لا تهملي نفسك لا تخلي يوم سيئ يخليكي تشوفي حالك بشكل سيئ ولا تسمحي لكلمة من شخص إنها تقلل من قيمتك وإذا الدنيا تعبتك تعالي لعندي وخليها علي شوي وأنا رح أضل أحب تفاصيلك رح أضل أفرح برسائلك رح أضل أحب أسمع عن يومك ورح أضل أبتسم كل مرة أشوف اسمك وإذا في شي واحد نفسي يضل بينا مهما مر الوقت فهو هالإحساس بالراحة إنك تقدري تكوني على طبيعتك معي وأنا أقدر أكون على طبيعتي معك بدون تصنع بدون خوف وبدون ما نحس إننا لازم نكون مثاليين او رسميين لالا بس نحكي زي ما بدنا وناخد راحتنا ونحكي براحتنا وأماني إذا يوم شكيتي بمكانتك عندي لأي سبب كان ارجعي لهالرسالة واقريها من أولها لاخرها وتذكري إن كل كلمة كتبتها كانت طالعة من قلبي حرفيا والله يمكن ما قدرت أوصف كل شي يمكن نسيت أشياء كثيرة ويمكن لسه عندي كلام يكفي ألف رسالة ثانية بس إذا بدي أختصر كل هالحكي بجملة وحدة: أنا كثير محظوظ إني عرفتك والله بجد وأكثر حظ إنك صرتي جزء من حياتي وأتمنى من كل قلبي إني أضل شخص قريب منك وأضل أشوف ابتسامتك وأسمع أخبارك وأشاركك أيامك الحلوة والثقيلة وأكون موجود كل ما احتجتي شخص يقولك: "أنا هون يا أماني لا تشيلي شي لحالك" وأحبك كثير كثير يعني أكثر من الي بتتخيليه والله ❤️❤️❤️

- Fakhri